وه‌زیری كاروباری پێشمه‌رگه‌ی حكوومه‌تی هه‌رێمی كوردستان، بۆ ئەو رووداوەی کە بەیانیی ئه‌مڕۆ له خورماتوو رووی دا، په‌یامێكی بڵاو كرده‌وه.
به‌ره‌به‌یانی ئه‌مڕۆ له ناوچه‌ی دووزخورماتوو له كاتی كێوماڵكردنی مۆڵگه‌كانی تیرۆریستاندا، بۆمبێكی چێنراو به ئۆتۆمبێلێكی سه‌ربازیی فه‌وجی سێی لیوای یه‌كی هاوبه‌شی وه‌زاره‌تی پێشمه‌رگه و سوپای عێراقدا ته‌قییه‌وه كه عه‌قید روكن سامان سابر سلێمان، فه‌رمانده‌ی فه‌وجی سێ و عه‌قید ئه‌ندازیار محه‌مه‌د ڕه‌زا كه‌ریم، ئه‌فسه‌ری ئه‌ندازه‌ی فیرقه‌ی نۆی سوپای عێراق و ن.ڤ شه‌ریف ئه‌حمه‌د محه‌مه‌د، له‌و ڕووداوه تیرۆریستییه‌دا شه‌هید بوون.
شۆڕش ئیسماعیل وه‌زیری كاروباری پێشمه‌رگه‌ی حكوومه‌تی هه‌رێمی كوردستان سه‌رباری راگه‌یاندنی پرسه و سه‌ره‌خۆشیی، هه‌روه‌ها هیوای زووچاكبوونه‌وه بۆ بریندارانیش خواستووه.
وه‌زیری كاروباری پێشمه‌رگه خه‌ڵكی كوردستان دڵنیا ده‌كاته‌وه هێزی پێشمه‌رگه له ئاماده‌باشیی ته‌واو دایه بۆ پاراستنی خه‌ڵك و خاكی كوردستان و له‌ناوبردنی تیرۆر و تیرۆریستان.
هه‌روه‌ها ئاماژه‌ی بۆ ئه‌وه كردووه، جموجۆڵ و مه‌ترسییه‌كانی گرووپی تیرۆریستیی داعش و تاریكپه‌رستان هێشتا كۆتاییان نه‌هاتووه، به تایبه‌ت له‌و ناوچانه‌ی كه بۆشایی تەناهین له نێوان هێزی پێشمه‌رگه و سوپای عێراقدا.
"هێزی پێشمه‌رگه‌ی كوردستان گیانفیدایانه ساز و ئاماده‌یه بۆ تێكشكاندنی تیرۆریستان و له كێوماڵكردنی ئه‌و ناوچانه به هاوكاریی سوپای عێراق به‌رده‌وام ده‌بێت". شۆڕش ئیسماعیل وای نووسیوه
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه