ئەو سیناتۆرە ئەمەریکییەی، لە کاتی ڕیفراندۆمی گەلی کوردستان بۆ سەربەخۆیی، پشتیوانیی بۆ سه‌ربه‌خۆیی هه‌رێمى كوردستان ڕاگەیاند و گوتی: "ئێستا کاتی سەربەخۆیی کوردستانە، بەربژێری سه‌رۆكى ئه‌مریكایه بۆ پۆستى وه‌زاره‌تى دەرەوەی ئه‌و وڵاته.
دوای هەڵبژاردنەوەی دۆناڵد تره‌مپ وەک سەرۆکی ئەمەریکا، ئێستا ده‌ستی به بەربژێركردنی ستافەكەی كردووە لە وەزیر و بەرپرسانی داهاتووی ئەمریكا و ئاماده‌كاریی ده‌كات تا 20ی كانوونی دووه‌می 2025، سه‌رجه‌میان ده‌ستنیشان بكات.
بە گوێرەی میدیاکانی ئەمەریکا، ئه‌و كه‌سه‌ی پاڵێوراوه بۆ وه‌رگرتنى پۆستی وەزارەتی دەرەوەی ئەمەریکا، ماركۆ ڕۆبیۆیه و هه‌ندێك میدیا باس له‌وه ده‌كه‌ن، خۆی بۆ ئه‌و پۆسته ڕه‌زامه‌ندیی ده‌ربڕیوه.
ماركۆ رۆبیۆ له ساڵی 2010وه ئه‌ندامی ئه‌نجومه‌نی پیرانه و به‌پێی ڕۆژنامەی (نیویۆرك تایمز) هه‌ڵوێسته‌كانی به‌رامبه‌ر به ئێران و چین زۆر توندن، هاوكات له گرته‌یه‌كی ڤیدیۆییدا پرسیارى له‌باره‌ى شه‌ڕى غه‌زه لێده‌كه‌ن، له وه‌ڵامدا ده‌ڵێت:"پێویسته حه‌ماسی تیرۆریست نه‌مێنن".
ئه‌و له لایه‌نگرانی سه‌رسه‌ختی دۆناڵد تره‌مپ بوو له هه‌ڵبژاردن، سه‌ره‌تا چاوه‌ڕوان ده‌كرا بكرێته جێگری تره‌مپ، به‌ڵام دواتر جی دی ڤه‌نس كرایه جێگری.
مارکۆ ڕۆبیۆ کە پێشووتر سیناتۆری ئەمەریکا بوو، لە کاتی ڕیفراندۆمی گەلی کوردستان بۆ سەربەخۆیی، پشتگیریی خۆی ڕاگەیاند و گوتی: "ئێستا کاتی سەربەخۆیی کوردستانە.“
هه‌روه‌ها له 5ى 5ى 2016 ، سه‌ردانى هه‌رێمی كوردستان كرد و له گه‌ڵ مه‌سرور بارزانى و سه‌ركرده باڵاكانى دیكه‌ى كوردستان، كۆبووه‌وه
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه