ئەمڕۆ سەرۆکی حکوومەتی هەرێمی کوردستان سەردانی بەغدای کرد و بڕیارە لەگەڵ سەرۆکوەزیرانی عێراق و بەرپرسانی باڵای عێراقی کۆ بێتەوە. سەرۆکی نوێنەرایەتیی حکوومەتی هەرێمی کوردستانیش دەڵێت، سەرۆکی حکوومەت لەگەڵ سەرۆکوەزیرانی عێراق کۆ دەبێتەوە و لەسەر کۆی کێشە هەڵپەسێردراوەکانی نێوان هەرێم و بەغدا گفتوگۆ دەکرێت و حکوومەتی هەرێم دەیەوێت کێشەکان بەپێی دەستوور لەگەڵ بەغدا چارەسەر بکات.
ئەمڕۆ 23/7/2022 سەرۆکی حکوومەتی هەرێمی کوردستان، مەسرور بارزانی، بەرەو بەغدا بەڕێ کەوت و بڕیارە لەگەڵ سەرۆکوەزیران و بەرپرسانی باڵای عێراقی کۆ بێتەوە و ئامانجی سەردانەکەیشی گفتوگۆکردنە بۆ ئەوەی لەبارەی کێشە هەڵپەسێردراوەکانی نێوان هەرێم و بەغدا گفتوگۆ بکەن، بەتایبەت مەلەفی نەوت و گاز.
لەم بارەیەوە، فارس عیسا، سەرۆکی نوێنەرایەتیی حکوومەتی هەرێمی کوردستان لە بەغدا، بۆ ماڵپەڕی فەرمیی پارتی دیموکراتی کوردستان گوتی: ''سەرۆکی حکوومەتی هەرێمی کوردستان لەگەڵ سەرۆکوەزیرانی عێراق، مستەفا کازمی کۆ دەبێتەوە و تێیدا گفتوگۆ لەبارەی کۆی ئەو کێشە هەڵپەسێردراوانەی نێوان هەرێمی کوردستان و بەغدا دەکەن''.
فارس عیسا گوتیشی: حکوومەتی هەرێمی کوردستان دەیەوێت کێشەکانی نێوان هەرێمی کوردستان و بەغدا بەپێی دەستوور چارەسەر بکرێن.
وەڵام بدەوه