وەزارەتی ئەوقاف و كاروباری ئاینی حكوومەتی هەرێمی كوردستان، ئەو كەسانە ئاگادار دەكاتەوە كە ئەم ساڵ ناویان بۆ حەج هاتووەتەوە و پێویستە ئەو كەسانە چوار ملیۆن دینار ڕادەستی وەزارەت بكەن.
ئەمڕۆ یەكشەم 27ی ئۆكتۆبەر، نەبەز ئیسماعیل گوتەبێژی وەزارەتی ئەوقاف و كاروباری ئاینی، بە "کوردستان پریس"ی ڕاگەیاند، لەلایەن وەزارەتی ئەوقاف وەرگرتنی بڕی دیاریكراو دەستی پێ كردووە لەو حاجییانەی ئەمساڵ ناویان هاتووەتەوە كە بۆ هەر كەسێك چوار ملیۆن دینارە و پێویستە پێش وادەی دیاریكراو ڕادەستی وەزارەتی بكەن تا مافی هیچ كەسێك نەفەوتێت.
ئاماژەی بەوە كرد، دواین وادە بۆ ڕادەستكردنی پارە بە وەزارەتی ئەوقاف مانگی یانزە دەبێت و تا ئەو كاتە هەر كەسێك ئەو بڕە ڕادەست نەكات كەسی تر دەخرێتە شوێنی.
ئەوەشی باسكرد، ئەو بڕەی لەلایەن ئەوقافەوە داواكراوە لە حاجیانی ئەمساڵ گوژمەی یەكەمە، بۆ دیاریكردنی نرخی كۆتایی چاوەڕوانن حكوومەتی عێراق نرخی كۆتایی دیاریی بكات.
وەڵام بدەوه