ئەمڕۆ شەممە، 12ی 10ی 2024، سەرچاوەیەكی ڕۆژنامەوانی، كاتی ناردنی تەواوكاریی مووچەی مانگی ئەیلوولی 2024 و كاتی دابەشكردنی مووچەی فەرمانبەرانی هەرێمی كوردستانی ئاشكرا كرد.
سەرچاوەیەك بە (بەغداد ئەلیەوم)ی ڕاگەیاندووە: "تەواوكاریی ئەو كورتهێنانەی لە پارەی تەرخانكراو بۆ مووچەی مانگی ئەیلوول بۆ فەرمانبەرانی هەرێمی كوردستان هەیە، سبەی یەكشەممە، 13ی 10ی 2024، دەخرێتە سەر هەژماری بانكیی وەزارەتی دارایی هەرێمی كوردستان."
سەرچاوەكە دەشڵێت: "بەوپێیە بەمزووانە وەزارەتی دارایی هەرێمی كوردستان لیستی مووچە بڵاو دەكاتەوە و بە ئەگەری زۆرەوە، ڕۆژی سێشەممە دابەشكردنی مووچە دەست پێدەكات و لە سێ ڕۆژدا تەواو دەبێت."
سەرچاوەكە ئەوەشی باس كردووە: "وەزارەتی دارایی هەرێمی كوردستان، لە مانگی ڕابردوودا، لیستی مووچەخۆرانی مانگی ئاب و ئەیلوولی بەپێی داواكارییەكانی وەزارەتی دارایی عێراق ڕەوانە كردووە."
وەڵام بدەوه