له سهڵاحهدین سهرۆك بارزانی پێشوازیی له ئانیل بورا ئینان باڵوێزی نوێی توركیا له عێراق كرد.
له دیدارهكهدا بیروڕا لهبارهی بارودۆخی سیاسیی عێراق و ناوچهكه ئاڵوگۆڕ كرا، باڵوێزی نوێی توركیا له عێراق، خۆشحاڵیی خۆی بۆ دهستبهكاربوونی وهك باڵوێز له عێراق به سهرۆك بارزانی ڕاگهیاند و ویستی وڵاتهكهشی بۆ فراوانتركردنی پێوهندییهكان لهگهڵ عێراق و ههرێمی كوردستان دووپات كردهوه، بهتایبهت له بواری ئابووری و بازرگانی و هاوئاههنگیی نێوان ههردوولا.
ههر لهو دیدارهدا باڵوێزی نوێی توركیا له عێراق، به وردی باسی له تاوانی كوشتنی گهشتیارێكی ههرێمی كوردستان له توركیا كرد، وێڕای دهربڕینی سهرهخۆشی و هاوخهمیی خۆی به سهرۆك بارزانی و كهسوكاری قوربانییهكه، ئهوهی به سهرۆك بارزانی ڕاگهیاند، لایهنه پێوهندیدارهكانی توركیا بهدواداچوونی تهواویان بۆ ڕووداوهكه كردووه، ڕێكاره یاساییهكان گیراونهتهبهر و سهرجهم تاوانبارانی ئهو ڕووداوه گیراون و بهدڵنیاییهوه تاوانباران به سزای یاسایی خۆیان دهگهن.
لای خۆیهوه سهرۆك بارزانی هیوای سهركهوتنی بۆ باڵوێزی نوێی توركیا له عێراق خواست. دووپاتی له پهرهپێدانی پێوهندی و هاوئاههنگیی نێوان ههرێمی كوردستان و توركیا كردهوه.
وەڵام بدەوه