فەرمانگەی میدیا و زانیاری ڕایدەگەیەنێت، بۆ مانگی تەمووزی ئەمساڵ لە 63 شوێنی جیاواز، 120 هەزار مووچەخۆر، مووچەكانیان لەڕێگەی سیستەمی (هەژماری من) وەردەگرن.
ئەمڕۆ دووشەممە 2ی 9ی 2024، فەرمانگەی میدیا و زانیاریی حكوومەتی هەرێمی كوردستان لە گرفیكێكدا ژمارەی مووچەخۆرانی لە سیستەمی (هەژماری من) بڵاو كردووەتەوە و ڕایگەیاندووە: "120 هەزار مووچەخۆر، لە ڕێگەی (هەژماری من) مووچەی مانگی تەمووز وەردەگرن.
ئاماژەی بەوەش كردووە، كە لەو 120 هەزار مووچەخۆرەدا، "103 هەزاریان مووچەخۆری مەدەنی و 17 هەزاریان پێشمەرگەن."
باسی لەوەش كردووە، كە لە سەرتاسەری كوردستان لە "63 شوێنی جیاوازەوە 193 ئامێری پارەدەر" هەیە، كە مووچەخۆران دەتوانن مووچەكانیان لێ ڕابكێشن.
پڕۆژەی (هەژماری من) پڕۆژەیەكی گشتگیری كابینەی نۆیەمی حكوومەتی هەرێمی كوردستانە بۆ فەرمانبەران و مووچەخۆران، كە لەو ڕێگەیەوە دەیەوێ مووچەخۆران بە ئاسانترین شێوە مووچەكانیان وەربگرن، ئەوەش سیستەمێكی بانكی جیهانی قبوڵكراوە و لە وڵاتان پەیڕەو دەكرێ.
وەڵام بدەوه