وەزارەتی كارەبا بۆ یەمەکجار لەلایەن ئەندازیارانی کورد و لەڕێگەی ماستەرپلانێكی نوێوە هەوڵ دەدات کارەبای نیشتمانیی 24 كاتژمێری بۆ هاووڵاتیان دابین بكات.
کارنامەی سەرەکی كابینەی نۆیەمی حكومەتی هەرێمی كوردستان پێشكەشكردنی زۆرترین خزمەتگوزارییە بۆ هاووڵاتیان، چارەسەرکردنی کێشەی کارەباش لەپێشینەی کارەکانە، بۆ ئەو مەبەستە وەزارەتی كارەبا پلانێكی درێژخایەنی داڕشتووە.
د. زانا میران، بەڕێوەبەری پلاندانان لە وەزارەتی كارەبا گوتی: "بۆ یەکەمجار لە مێژووی وەزارەتی کارەبا ماستەرپلانەکە لەلایەن ئەندازیارانی كوردەوە بەخۆڕایی داڕێژراوە و بۆ 10 ساڵە". پێشتر لەڕێگەی ئەندازیاری بیانی و كۆمپانیاكانەوە ماستەرپلان دادەنرا و تێچووەکی زۆری هەبوو.
دابەشكردنی كارەبا ڕێكدەخرێتەوە، بەفیڕۆدان كەمدەکرێتەوە، بەرهەمهێنان زیاد دەکرێت و پلان ئەوەیە کارەبای نیشتمانی بکرێتە 24 كاتژمێری.
غازی زیاتر بۆ وێستگەكان دابین دەكرێت، غاز دەگەیێنرێتە ئەو وێستگانەی پێویستیان پێیەتی، هاوكات بەپێی بودجەی بەردەست وێستگەی لاوەكیش دروست دەكرێن.
وەڵام بدەوه