وەزارەتی بازرگانی ئاشكرای دەكات، نان لەو ئاردەی لەبەشەئاردی شەشەم بەسەر هاووڵاتییان دابەش دەكرێت، نانێكی زۆر جوان و بەپێزی لێ دروست كرا، بریكارێكیش دەڵێت، نرخەكەشی گرانترە.
ئەمڕۆ پێنجشەم 25ـی تەمووز، بەڕێوەبەرایەتیی دروستكراوی دانەوێڵەی هەولێر سەر بە بەرێوەبەرایەتی گشتی بازرگانی، بڵاوی كردەوە، لەرێی بەرپرسی هونەری بەرێوەبەرایەتییەكەیان هەڵسان بە دروستكردنی نان لەو ئاردەی لەبەشەئاردی شەشەم بەسەر هاووڵاتییان دابەش دەكرێت نانێكی زۆر جوان و بەپێزی لێ دروست كراوە.
ئەنوەر حسام بریكاری ئارد لە گەرەكی هەڤاڵانی هەولێر، راگەیاند، دابەشكردنی ئارد لە بنكەكانی 201 دەستی پێ كردووە و لە هەفتەی داهاتوو دەگاتە سەرجەم بریكارەكان.
زیاتر گوتی، ئاردی مانگی رابردوو بە 12 هەزار فرۆشراوە بەهۆی كوالێتییەكەی كە زۆرباش نەبوو، بەڵام ئاردی ئەو مانگە كوالێتی زۆرباشە و فەردەی بە 16 هەزار دینار بریكار وەری دەگرێتەوە.
دانەوێڵەی هەولێر هاووڵاتییانی ئاگادار كردووەتەوە و داویان لێ دەكات ئاردی ئەو مانگە نەفرۆشنەوە وەری بگرن و بیكەن بە نان.
وەڵام بدەوه