ئەندامێكی خولی پێنجەمی پەرلەمانی كوردستان دووپاتی كردەوە كە وەك پاداشتی كۆتایی خولی پێنجەمی پەرلەمان، هەر ئەندامێكی ئەم خولە بڕێكی زۆر پارەی وەرگرتووە.
ئەو ئەندامەی خولی پێنجەمی پەرلەمانی كوردستان راگەیاند، هەفتەی پێشوو هەر ئەندامێكی خولی پێنجەمی پەرلەمانی كوردستان بڕێك پارەی وەرگرتووە، كە ئەوە پاداشتی خولی پێنجەم بووە و دراوەتە پەرلەمانتاران.
روونی كردەوە، بڕە پارەكە 52 ملیۆن دینار بووە و دراوەتە هەموو پەرلەمانتاران.
لە كۆی 111 پەرلەمانتار ئەگەر هەر پەرلەمانتارێك بڕی 52 ملیۆن دیناری پێ درابێت، تێكڕای دەكاتە پێنج ملیار و 772 ملیۆن دینار.
شایەنی باسە لە كۆتایی هەموو خولێك، ئەندامانی پەرلەمانی كوردستان وەك پاداشت و ئیكرامییە بڕی 52 ملیۆن دیناریان پێ دەدرێت.
وەڵام بدەوه