قیرتاوکردنى شەقامی بەیداغی کچان لە هەولێر

سەرۆکایەتی شارەوانی هەولێر، پـڕۆژەی دروستکردن و قیڕتاوکردنی شەقامێکی لە گەڕەکی نەورۆز پشت قوتابخانەی بەیداغی کچان جێبەجێ کرد.
لە درێژەی کارەکانی گەیاندنی خزمەتگوزاری بۆ گەڕەک و شەقامەکانی شاری هەولێر، سەرۆکایەتی شارەوانی هەولێر لە ڕێگەی تیمەکانی ئەندازیاری هۆبەی هونەری  بەڕێوەبەرایەتی شارەوانی شەش هەڵسان بە کۆتایی هێنان بە پـڕۆژەی دروستکردن و قیڕتاوکردنی شەقامێک لە گەڕەکی نەورۆز پشت قوتابخانەی بەیداغی کچان.
 پڕۆژەکە لەسەر بودجەی پارێزگای هەولێر ، لە سنووری بەڕێوەبەرایەتی شارەوانی شەش جێبەجێ کرا کە لە ڕابردوودا بەهۆی خراپی ڕێگاوبانەکەی کێشەی بۆ هاتووچۆی قوتابیان و هاوڵاتیانی ناوچەکە دروستکردبوو، بە ئەنجامدانی پڕۆژەکە سەرەنجام بووە جێگەی خۆشحاڵی دانیشتووانی شوێنەکە.
سەرۆکایەتی شارەوانی هەولێر،بەردەوام دەبێت لە گەیاندنی خزمەتگوزاری بۆ شاری هەولێری خۆشەویست.
ڕاگەیاندنی سەرۆکایەتی شارەوانی هەولێر