گەیشت:
بەھۆی بڕیارێکی حکومەتەوە بازاڕی ھەرێمی کوردستان بووژانەوە بەخۆیەوە دەبینێ
گوتەبێژی یەکێتی وەبەرھێنەرانی کوردستان ئاشکرای کرد کە بەهۆی بڕیارێکی حکوومەتی هەرێمی کوردستانەوە لە چەند مانگی داهاتوودا بازاڕی ھەرێمی کوردستان بووژانەوە بەخۆیەوە دەبینێ.
یاسین مەحمود، گوتەبێژ یەکێتیی وەبەرھێنەرانی کوردستان ڕاگەیاند، بڕیاری ڕاگرتنی مۆڵەتی پڕۆژەکانی نیشتەجێبوون لەلایەن حکوومەتی ھەرێمی کوردستانەوە کاریگەریی لەسەر بازاڕ دەبێت و لە چەند مانگی داھاتوودا ئەو کاریگەرییانە دەردەکەون و بازاڕی وەبەرھێنەران لە بواری نیشتەجێبووندا گەشە دەکات، چونکە لە ساڵانی ڕابردوو مۆڵەت بە زۆر پڕۆژەی وەبەرھێنان دراوە لە بواری نێشتەجێبوون و پێویستی بە پێداچوونەوەیە.
گوتیشی: "دوای بڕیاری ڕاگرتنی مۆڵەتەکان حکوومەت بەبواری نیشتەجێبووندا دەچێتەوە و بە ئاراستەی بەرژەوەندی ھاووڵاتییانی کەمدەرامەت و چینی ھەژار، چونکە زۆربەی ئەو یەکانەی ساڵانی ڕابردوو دروستکراون خەڵکی ھەژار لێیان سوودمەند نەبووە.
هەروەها گوتەبێژی یەکێتیی وەبەرھێنەران ئەوەشی خستووەتە روو: "بەھۆی زۆری پڕۆژەکانی نیشتەجێبوون و بێ بازاڕی و خراپی کوالێتی یەکەکان کاریگەرییان کردبووە سەر ئەو پڕۆژانە و مەتری یەکەی نیشتەجێبوون لە ھەرێمی کوردستان زۆر ھەرزانتر بوو لە ھەموو ناوچەکانی دیکەی عێراق، پێموابێت ڕاگرتنی مۆڵەت و پێداچوونەوە بە پڕۆژەکان کارێکی باشە و کەرتی خانووبەرە بووژانەوە بەخۆیەوە دەبینێ."
وەڵام بدەوه