لەراگەیەنراوێکدا #هێزەکانی #هاوپەیمانان دەستگیرکردنی سەرکردەیەکی #داعش رادەگەیەنێت
راگەیاندنی وەزارەتی پێشمەرگە
ئەمڕۆ 16ی حوزەیرانی ٢٠٢٢ لە راگەیاندراوێکی هێزەکانی هاوپەیمانان دژی داعش دەستگیرکردنی سەرکردەیەکی دیاری داعشیان راگەیاند ،کە لە میانی ئۆپەراسیۆنێکی تایبەت لە سووریا ئەنجامیاندابوو.
بەگوێرەی ئەو راگەیەندراوە ئەو کەسەی دەستگیرکراوە پێشتر داواکراوبووە ناوی "هانی ئەحمەد کوردی"ە، بە "والی رەققە" دەناسراوە، هاوکات پسپۆڕی دروستکردنی بۆمب و تەقەمەنییەکان بووە و یەکێک بووە لە گەورە سەرکردەکانی داعش لە سووریا.
ئاماژەبەوەشکراوە ئۆپەراسیۆنەکەی هاوپەیمانان پلانێکی هەستیاری بۆ دارێژراوە، بەو پێیەی بەکەمترین زیانی لەنێو خەڵکی سڤیل و مەدەنی تەنانەت هێزەکانی هاوپەیمانان هەبووە.
وەک ژەنەرال مایکڵ ئێریک کوریلا فەرماندەی فەرماندەیی هێزەکانی ناوەندی ئەمریکی رایگەیاندووە ئەوان بەردەوام دەبن لە راوەدوونانی داعش لە هەر کوێیەک بن، لەپێناو پاراستنی ئاسایشی ناوچەکە و زیان گەیاندن بەو چەکدارانە.
وەڵام بدەوه