شەپۆلێکی دیکەی باران بارین سەرتاسەری ھەرێمی کوردستان دەگرێتەوە.. ئاراس جه‌بار پسپۆڕی كه‌شوهه‌وا ڕایگه‌یاند: بە گشتی تا رێکەوتی 3ی مانگی داھاتووی ساڵی 2024 کەشوهه‌وا بەم شێوەیە لە ھەرێمی کوردستان جێگیر دەبێت و پلەکانی گەرماش بە بەرزی دەمێنیتەوە.
ڕاشیگه‌یاند: لە دوای 3ی مانگەوە کەمێک نزمبوونەوە بەسەر پلەکانی گەرمادا دێتەوە لە ئەنجامی کاریگەری نزمەپاڵەپەستۆیەکی دەریای ناوەراست بۆ سەر دەریای سوور و ناوچەکانی باکوری سعوودیە و باشووری عێراق و جارێکی دیکە لەو ناوچانەدا باران دەست پێ دەکاتەوە، بەڵام پێشبینی ناکرێت کاریگەری لەسەر ھەرێمی کوردستان و باکوری ناوچەکە باش بێت، بۆیە ئەم شەپۆلەش لەسەر ناوچەکانمان تەنیا بە ھەوری بێ باران یان نمەباران کاریگەری دەبێت و لاواز دەبێت . پسپۆڕه‌كه‌ی كه‌شوهه‌وا ئاماژه‌ی به‌وه‌ش دا كه ئەگەر گۆڕانکاری ڕوو نەدات و ماوەی وشکی زیاتر درێژ نەبێتەوە، ئه‌وا لە دوای 8ی مانگی داھاتووه‌وه ماوەی تەری و شەپۆلەکانی بارانبارین بەڕووی ناوچەکانمان دەست پێ دەکاتەوە
وەڵام بدەوه