وەزارەتی دارایی لەبارەی پێدانی پاداشتی خانەنشینی بۆ ئەفسەران و كارمەندانی وەزارەتی ناوخۆ و هێزەكانی ئاسایشی ناوخۆ بڕیارێك دەردەكات. بەرپرسێكی فەرمانگەی خانەنشینیش وردەكارییەكەی دەخاتە ڕوو.
سەرچاوەیەک لە بەڕێوەبەرایەتیی گشتیی خانەنشین، راگەیاند: لە وەزارەتی دارایی خەرجكردنی پاداشتی خانەنشینیی كارمەندانی هێزەكانی ناوخۆ راگیراوە، راگرتنەكەش جارێ كاتییە و بڕیارە بۆ ساڵی داهاتوو بکرێتەوە.
ئاماژەی بەوەش دا: "كارمەندانی هێزەكانی ناوخۆ كاتێك خانەنشین دەبن، لە فەرمانگەی خۆیان شەش مانگ مووچەی مۆڵەتی كەڵەكەبوویان بۆ خەرج دەكرێت، لە فەرمانگەی خانەنشینییش 12 مانگ مووچەیان بۆ خەرج دەكرێت، كە هەمووی دەكاتە 18 مانگ، شەش مانگەکە خەرج دەکرێت، ئەوەی ڕاگیراوە 18مانگەکەیە.
روونی كردەوە: بابەتەكە پەپوەندیی بە وەزارەتی ناوخۆوە هەیە، چونكە دارایی داوای هەندێك ئامار و داتای كردووە، هەر كاتێك ئەوە تەواو كرا، پارەكە خەرج دەكرێت و كێشەی نابێ.
ئاشکراشی کرد، مامەڵەی ئەو کەسانە هەمووی ئامادەیە، بەڵام چونکە فەرمانی خەرجکردن نییە، بۆیه پارەکە خەرج ناکرێت.
بەڕێوەبەرێكی گشتی لە وەزارەتی دارایی راگەیاند: بەپێی یاسای خانەنشینیی هێزەكانی ئاسایشی ناوخۆ، پێشتر لە فەرمانگەكانی خۆیان هەر ئەفسەر و كارمەندێك خانەشین دەبوو، مۆڵەتی كەڵەكەبوو و پاداشتی كۆتایی خزمەتیان بۆ خەرج دەكرا، بەڵام ئێمە داوای هەندێك داتامان كردبوو لەسەر ئەو بابەتە، دیارە داتاكان دوا کەوتوون، بۆیە خەرجكردنی ئەو پارەیە راگیراوە."
ئاماژەی بەوەش دا: "دەستپێكردنەوەی خەرجكردنی ئەو بڕە پارەیە لە ساڵی داهاتوو بڕیاری پێ دەردەچێتەوە.
وەڵام بدەوه