وەزارەتی کارەبا ئاشکرای کرد، 300 مێگاوات کارەبا بۆ ناو تۆڕی کارەبای نیشتمانی گەڕایەوە و کارەبا زیاد بوویەوە.
وەزارەتی کارەبای حکوومەتی هەرێمی کوردستان بڵاوی کردەوە: "پڕۆسەی چاکسازیی وێستگەی بەرهەمهێنانی کارەبای خەبات کۆتاییهات و وێستگەکە کەوتە کار و نزیکەی 300 مێگاوات کارەبای بۆ ناو تۆڕی نیشتمانی گەڕایەوە، بەهۆیەوە ماوەکانی پێدانی کارەبا زیاتر بووە.
ئاماژەی بەوەش داوە، پاش کوژانەوەی گشتیی کارەبا، وەزارەتی کارەبا لە ڕێگەی بەڕێوەبەرایەتیی گشتیی کۆنترۆڵی کارەبای هەرێم و بەڕێوەبەرایەتیی کۆنترۆڵی پارێزگاکانەوە کۆمەڵە ڕێوشوێنێکی بۆ باشترکردنی دۆخی کارەبا گرتووەتەبەر.
كەمال محەمەد ساڵح، وەزیری كارەبای حكوومەتی هەرێمی كوردستان، راگەیاند: "تەنیا لەم كابینەیەدا 393 هەزار هاوبەشی نوێ تۆمار كراون، بۆیە وێڕای گرفتی سیولە و كەمیی سووتەمەنی و هەڵكشانی خواست و زۆربوونی هاوبەشانی كارەبا، هەوڵەكانمان بەردەوامن بۆ ئەوەی خزمەتگوزاریی كارەبا بەرەو دۆخێكی باشتر ببەین و بەم نزیکانە سیانەی هەردوو یەکەی وێستگەی هەڵمی خەباتیش تەواو دەبن و بە تۆڕەکانی هەرێمی کوردستان دەبەسترێنەوە.
وەڵام بدەوه