ئەنجومەنی وەزیران بڕیارێک بۆ مۆڵەتی ئەفسەر و کارمەندانی کەسوکاری شەھیدان و ئەنفالکراوان دەردەکات کە لە خوێندنی دبلۆمی باڵا و ماستەر و دکتۆرا لە ناوخۆ وەرگیراون و میلاکی وەزارەتی ناوخۆ.
بەپێی نووسراوێكی ئەنجوومەنی وەزیران، كە لە 14ی 11ی 2023 دەرچووە ئاماژە بەوە دراوە، كە رەزامەندییان دەربڕیوە بۆ مۆڵەتدان بەو ئەفسەر و کارمەندانەی، کوڕی شەهیدی سەنگەرن و میلاکی وەزارەتی ناوخۆن و لە خوێندنی دبلۆمی باڵا و ماستەر و دکتۆرا لە ناوخۆی ھەرێمی کوردستان وەرگیراون. بەپێی نووسراوەكە: ئەو ئەفسەر و كارمەندانە لەدەرەوەی پلانی پەسەندکراوی مۆڵەتی خوێندن مۆڵەتیان پێ بدرێت و كاری پێویستان بۆ ئەنجام بدرێت و مۆڵەتی خوێندنیان پێ دەدرێت.
سەرچاوەیەكی ئاگادار راگەیاند: ئەو كارمەندانە، بەپێی بڕیاری وەزارەتی خوێندنی باڵا لە ماستەر و دكتۆرا وەرگیراون، بەڵام وەزارەتی ناوخۆ مۆڵەتی خوێندنی پێ نەدەدان، کێشەی وەرگرتنیان نەبوو، کێشەی وەرگرتنی مۆڵەتی خوێندنیان لە وەزارەتەکەی خۆیان ھەبووە، ئەنجوومەنی وەزیران ئەوەی بۆ چارەسەر كردن و وەزارەتی کاروباری شەهیدانیش فەرمانی بۆ ئەوکەسانە دەرکردووە.
بەپێی بڕیارەكە، ئەو كارمەندانە بە مووچەوە مۆڵەتیان پێ دەدرێت و خوێندنەكەیان تەواو دەكەن.
عادل ساڵح، بەڕێوەبەری راگەیاندن و پەیوەندییەكانی وەزارەتی کاروباری شەهیدان و ئەنفالکراوانی حكوومەتی هەرێمی كوردستان، راگەیاند:بڕیارەکەی ئەنجوومەنی وەزیران جێبەجێ دەکرێت ئەویش بە هەماهەنگی لەگەڵ وەزارەتی خوێندنی باڵا و وەزارەتی ناوخۆ دەبێت
وەڵام بدەوه