سەرچاوەیەکی حکوومەتی عێراق، بە (ئاژانسی هەواڵی عێراق)ی ڕاگەیاند: "حکوومەتی عێراقی کۆمەڵێک ڕێکار دەگرێتە بەر بۆ چارەسەری جیاوازیی نرخی دۆلار و دینار.''
ئاماژەی بەوەش کردووە: سەرۆک وەزیرانی عێراق لیژنەیەکی لە وەزارەتی دارایی ڕاسپاردووە بۆ کۆبوونەوە لەگەڵ وەزارەتی گەنجینەی ئەمریکا بۆ تاوتوێکردنی پرسی کۆنترۆڵکردنی نرخی دۆلار.
ئاشکراشی کردووە: سەرۆک وەزیرانی عێراق لیژنەیەکی دارایی ڕاسپاردووە بۆ کۆبوونەوە لەگەڵ وەزارەتی گەنجینەی ئەمریکا و کۆنترۆڵکردنی نرخی دۆلار و چۆنیەتیی گواستنەوە و پارەدارکردنی بانکەکانی عێراق تاوتوێ بکرێت.
لە هەفتەی ڕابردوودا، وەفدێکی بانکی ناوەندیی عێراق و ئەمریکا لەسەر پرسی پێدانی دۆلار به بانکەکانێ عێراق، لە دەرەوەی عێراق چەند کۆبوونەوەکیان کردووە و ئەوەش کەمێک کاریگەریی هەبووە تاوەکوو بەهای دۆلار بەرامبەر دینار دابەزێ، بە جۆرێک 100 دۆلار له 165 هەزارەوە دابەزیوە بۆ 158 هەزار و 800 دینار.
خەلیل غازی، ئەندامی لیژنەی دارایی پەرلەمانی عێراق ڕاگەیاند: "ئەو ڕێكکەوتنه‌ی بانكی ناوەندی لەگەڵ ئەمریكا كردوویەتی جێبەجێ بكرێ كاریگەریی لەسەر نرخی دۆلار و جێگیركردنی بازاڕ دەبێت.'
وەڵام بدەوه