ماوەیەکە لە کەرکوک بەربژێرانی پارتی رووبەرووی دڕاندنی پۆستەرەکانی بووەتەوە.
بەربژێرێکی پارتی دەڵێت دەمێکە دەزانین دەنگ دێنین و سوپرایزمان ھەیە سەلام عەزیزیش، وەكوو ھەموو بەربژێرەكانی دیكەی پارتی دیموكراتی كوردستان، رووبەڕووی دڕاندنی پۆستەرەكانی لە كەركووك بووەتەوە، لەمبارەیەوە ئاماژەی بەوە دا: ”بۆ شێواندنی دیموکراسییەت و لە ترسی ئەوەی کە هەندێك لایەن دەزانن ئەم جارە لیستی پارتی چ سوپرازێکی پێیە بۆیان، ئەوانە پێیان وایە، کە دڕاندنی پۆستەر و وێنەکانمان لە دەنگەکانمان کەم دەکاتەوە، بێئاگا لەوەی، ئێمە بەو کردارەی ئەوان هێندەی دیکە بەگوڕتر و بەتینتر دەبین بۆ سەرخستنی لیستەكەمان و لەناو خەڵكیشدا زیاتر دەردەكەوێ، كە بۆچی تیری نەیاران رووی لە پارتی دیموكراتی كوردستانە.“
ئەو بەربژێرەی پارتی دیموكراتی كوردستان، ئەوەش دەخاتە ڕوو، كە ئەوان بەرلەوەی خۆیان بەربژێر بكەن، پڕۆژەیان بۆ گەیشتن بە ئەندامیەتیی ئەنجوومەنی پارێزگای كەركووك هەیە
دەشڵێت: ”بە پلەی یەکەم لای پارتی گرنگە کورد سەر بكەوێ، خوازیارین زۆرینەی دەنگەكان بەدەست بهێنین و بە جدی کار دەکەین بۆ ئەوەی پارێزگاری داهاتووی کەرکووک بۆ لیستی پارتی دیموکراتی كوردستان و هاوپەیمانەكانی بێت، ئەگەرچی بەپێی یاسای نوێی هەڵبژاردن، بڕگەیەکی تایبەت بە کەرکووک دانراوە، کە ئەنجامی هەڵبژاردن نابێتە سەنگی مەحەک بۆ یەکلاکردنەوەی پۆستە ئیدارییەکانی شارەکە و دەبێ بە ڕێککەوتن و هەماهەنگیی نێوان پێکهاتەکان بێت، بەڵام دواجار هەر بۆ ئەو لیستە دەبێت، کە زۆرینەی دەنگەکان بەدەست دەهێنێت، ئەویش بێ گومان هەر پارتی دیموكراتی كوردستانە.“
وەڵام بدەوه