گوتەبێژی حکوومەتی هەرێمی کوردستان راگەیاندراوێکی لەبارەی سەردانی وەزیری نەوتی عێراق بۆ هەرێمی کوردستان بڵاوکردەوە.
ئەمڕۆ شەممە 11/11/2023، پێشەوا هەورامانی، گوتەبێژی حکوومەتی هەرێمی کوردستان لە راگەیاندراوێکدا بڵاوی کردەوە: "سبەی وەزیری نەوت و تیمێکی وەزارەتی نەوتی فیدراڵ سەردانی هەرێمی کوردستان دەکەن."
دەشڵێت: "ئەم سەردانە لە سەر رێککەوتنی هەردوو سەرۆکوەزیران بووە تاکو بێنە ئێرەو لەگەڵ وەزارەتی سامانە سروشتیەکانی حکومەتی هەرێمی کوردستان دۆسیەی نەوتی هەرێم و کێشەکانی پێکەوە چارەسەر بکەن."
ئاماژەشی بەوە داوە: "بابەتی سەرەکی کۆبوونەوەکان کێشەی تێچووی بەرهەمهێنانی نەوت و رێکارەکانی هەناردەکردنەوەی نەوتی هەرێمی کوردستانە و بۆ ئەم پرسە دوو بۆ سێ ڕۆژ دەمێننەوە."
وەڵام بدەوه