بەرنامەی پارتی بۆ کەرکوک ئاشکرادەکرێت، بزانە پارتی تەمای چیە بۆ کەرکوک:
مەسعود مەلا پەروێز بەربژێری پارتی لە سنووری پارێزگای کەرکووک رایگەیاند:جیاوازی لیستی پارتی لەگەڵ لیستەکانی دیکە ئەوەیە کە ئێمە راسپێردراوین بانگەشەیەکی ئارام و بێ کێشە ئەنجام بدەین، تا بتوانین دەنگی کورد و نەتەوەکانی دیکەی شارەکەش بەدەست بهێنین.
ھەروەھا وتی: ”ئێمە پەیامی پێکەوەژیان و تەبایی و ئاشتیمان بۆ شارەکە پێیە، دەمانەوێ بێ جیاوازی خزمەت بە خەڵکی كەركووك بکەین.
باسی لەوەش كرد: ”لە بەرنامەی لیستەکەماندایە ئەم دۆخە نالەبارەی بەسەر کەرکووکدا هاتووە، بیگۆڕین و بیگەڕێنینەوە دۆخی ئاسایی خۆی، چونکە شەش ساڵە عەسکەرتارییەت حوکمی كەركووك دەکات، چالاکی سیاسی و پێکەوەژیان و تەبایی دەبێ بەرپا بکەین.
مەسعود مەلا پەروێز باسی لەوەش كرد: "پارتی هیچ کاتێک لەگەڵ توندوتیژیی ئایینی و مەزهەبی و حزبی و نەتەوەیی نییە، ”کە توانیمان زۆرترین دەنگ بەدەست بهێنین، ئەوا لە رووی ئیداری و خزمەتگوزارییەوە بەبێ جیاوازی کار بۆ هەموو دانیشتوانی كەركووك دەکەین.“
وەڵام بدەوه