لێژنەی بینینی مانگ یەکەم رۆژی مانگی ڕەمەزان دیاری ده‌كات

لیژنەی بینینی مانگ لە وەزارەتی ئەوقاف و كارو باری ئاینی حكوومه‌تی هه‌رێمی كوردستان یه‌كه‌م ڕۆژی مانگی  ڕه‌مه‌زانی پیرۆز دیاری ده‌كات. 
ئه‌مڕۆ پێنجشه‌ممه‌ 31 ى 3 ى  2022، نه‌به‌ز ئیسماعیل گوته‌بێژی وه‌زاره‌تی ئه‌وقاف و كاروباری ئاینی حكوومه‌تی هه‌رێمی كوردستان راگه‌یاند:   ئێواره‌ی سبه‌ی هه‌ینی،  لیژنەی بینینی مانگ لە سەرجەم پارێزگا و ئیدارە سه‌ربه‌خۆكانی هەرێمی کوردستان كۆدەبنەوە و بە هەماهەنگی لەگەڵ دیوانی وەقفی سوننە ، بڕیار لە یەكەم ڕۆژی مانگی ڕەمەزانی پیرۆز دەدرێت.
گوته‌بێژی وه‌زاره‌تی ئه‌وقاف و كاروباری ئاینی گوتیشی،  ئەگەر  سبه‌ی ئێواره‌  بە بەڵگەوە مانگ بینرا، ئەوە ڕۆژی شەممە 2 ى 4 ى 2022، دەبێتە یەكەمین ڕۆژی ڕەمەزان، بەڵام ئەگەر مانگ نەبیندرا، رۆژی شه‌ممه‌ ته‌واو كاری مانگی شه‌عبانه‌ و یه‌كشه‌ممه‌ یه‌كه‌م ڕۆژی مانگی ڕه‌مه‌زان ده‌بێت.