به‌دیقه‌ت و دادپه‌روه‌رانه‌ دەست دەکەین بە ڕێکارەکان بۆ هاوکاریکردنی زیانلێکەوتووانى لافاواکانى هەولێر

نیوەڕۆى ئەمڕۆ یەکشەمە 2022.3.27، لەدیوانى پارێزگا، سەرپەرشتى کۆبوونەوەیەکى تایبەتمانکرد سەبارەت بەدەستکردن بەڕێکارەکانى هاوکاریکردنى زیانلێکەوتووانی لافاوەکانى هەولێر.
لەکۆبوونەوەکەدا، تیشکمان خستە سەر هاوکاریکردنى زیانلێکەوتووانى لافاوەکانى 2021.12.17 و 2022.1.13ى هەولێر و تەئکیدمان لەسەر ئەوەکردەوە کە لەسەر ڕاسپاردە و فەرمانى جەنابى سەرۆکی حکومەتی هەرێمی کوردستان کە بەردەوام لەسەر هێڵبووە لەگەڵمان و جه‌نابیان بە شێوەی مەیدانی سەردانی خەڵکەکەی کردووە و دڵنیاییداوە لەوەی هاوکارى زیانلێکەوتوان دەکەینەوە، هەروەها ئەو کەس و لایەنانەشى کە کەمتەرخەم بوونە و بوونەتە هۆى دروستبوونى لافاوەکان ئیجرائاتى پێویستیان لەگەڵدا دەکرێت. 
هەروەها گفتوگۆمان سەبارەت بە دواین ئاماده‌کارییەکان کرد بۆ هاوکاریکردنى زیانەکان کە له‌لایه‌ن ڕێزدار مەسرور بارزانى، سه‌رۆكی حكومه‌تی هه‌رێمی كوردستان ڕه‌زامه‌ندی دراوە بۆ هاوکاریکردنیان، لەوبارەیەشەوە جەختمان لەوە کردەوە بەو بڕە پارەیەى کە ئێستا لەبەردەستماندایە و دانراوە بەشێوەیەکى یەکسان و دادپەروارانەوە و به‌ دیقه‌تەوە دوای چەند ڕۆژی دیکە دەست دەکەین بە ڕێکارەکان بۆ هاوکاریکردنی زیانلێکەوتووانى هەردوو لافاوى 2021.12.17 و 2022.1.13.