کۆمپانیا گەورەکانی ئەڵمانیا لەبواری پیشەسازی و ھێڵی ئاسنین ئامادەن ھاوکاری پڕۆژەی ھێڵی شەمەندەفەری کوردستان بکەن

تیمێکی ھاوبەش لە نێوان بەرپرسان و وەبەرھێنەرانی ئەڵمانیا و کوردستان پێکھێندرا.
سەردانە فەرمییەکەی د. محەمەد شوکری سەرۆکی دەستەی وەبەرھێنان بۆ ئەڵمانیا کاریگەری ئەرێنی ھەبووەو لەو ماوەیەدا ژمارەیەک دیدار و کۆبونەوەی لەگەڵ گەورە وەبەرھێنەران و راوێژکاران و لەسەروویانەوە پارێزگاری کاسڵ ئەنجامداوە..
ئەنجامی کۆبوونەوەکان:-
-تیمێکی ھاوبەش لە نێوان کەرتی تایبەت و حکومی ئەڵمانیا و دەستەی وەبەرھێنان پێکھێندرا ، کە ئامانج لێی پێشخستن و پەرەپێدانی ژێرخانی ئابووری کوردستانە.
-ژمارەیەک گەورە کۆمپانیا ئەڵمانیا ئامادەییان دەربڕیوە لە رووی راوێژکارییەوە ھاوکاری حکومەتی ھەرێمی کوردستان بکەن.
- کۆمپانیا گەورەکانی ئەڵمانیا لەبواری پیشەسازی و ھێڵی ئاسنین ئامادەن ھاوکاری پڕۆژەی ھێڵی شەمەندەفەری کوردستان بکەن.
-ژمارەیەک وەبەرھێنەری ئەڵمانی دەیانەوێ لە سێکتەرەکانی پیشەسازی و کشتوکاڵ و رێگاوبان ھاوکاری کوردستان بکەن.
- لەپێناو پتەوکردن و بەردەوامیدان بە ھەماھەنگی و پەیوەندییەکان ، مانگی داھاتوو شاندێکی حکومی و کەرتی تایبەتی ئەڵمانیا سەردانی کوردستان دەکەن.
راگەیاندنی دەستەی وەبەرھێنان