ئەمرۆ لەبەغدا یادی ٣٤ ساڵەی تاوانی بەکارهێنانی چەکی کیمیاوی لەدژی گەلەکەمان لە شاری هەڵەبجە بەرز ڕاگیرا

وێرای وەساتانی ساتێک بێدەنگی لەهەمانکاتدا پێشانگایەکی فۆتۆگرافی بۆ قوربانیانی ئەو تاوانە کرایەوە لەهۆڵی پەرلەمان بەمەبەستی ئاشناکردنی پەرلەمانتاران و فەرمانبەرانی ناو پەرلەمان لە سەرجەم پارێزگاکان بەگەورەیی ئەو تاوانەو قوربانیانی کیمیابارانی هەڵەبجە ، لەرێورەسمەکە ئاماژەمان بەوەدا کە پێویستە حکومەتی ئیتحادی بەئەرکی ئەخلاقی و یاسایی خۆی هەڵسێت بەمەبەستی قەرەبوکردنەوەی قوربانیانی ئەو شارەو تاوانەکانی تری رژێمی لەناوچو ، هەروەها داوامانکرد  رێکارەکانی بەپارێزگا کردنی شارەکە لەلایەن حکومەتەوە خێرا بکرێت ، بەسوپاسەوە جیا لەسەرۆکایەتی پەرلەمان و فراکسیونە جیاکانی ناو پەرلەمان وفەرمانبەرانی پەرلەمان  نوێنەرایەتی حکومەتی هەرێمی و نوێنەری حزبە سیاسێەکانیش ئامادەبون ، هەر ئەمرۆ پێشوازیمان کرد لەبەشێک لەکەسوکاری قوربانیانی هەڵەبجەو ئامادەیی هەموو هاوکارییەکمان بۆیان دەربڕی .
د. شاخەوان عبداللە 
جێگری سەرۆکی پەرلەمانی عیراق