شاخەوان عەبدوڵڵا، جێگری سەرۆکی پەرلەمانی عێراق لەبارەی بڵاوبوونەوەی نووسراوێکی پارێزگاری سەپێنراوی کەرکووک بۆ ئاهەنگی نەورۆز بە مەرج، رایدەگەیەنێت، لەگەڵ لایەنی پەیوەندیدار قسەی کردووە و "ئاهەنگی نەورۆز لە کەرکووک و تەواوی شارەکانی تری عێراق بە ئازادی بەرێوەدەچێت
شاخەوان عەبدڵڵا، لە پەیامێکدا نووسیویەتی: "دوای بڵاوبوونەوەی نووسراوێکی کاربەرێکەری پارێزگای کەرکووک بەوەکالەت، لەبارەی دەستنیشان کردنی کاتی گێڕانی ئاهەنگی نەورۆز لە پارێزگای کەرکووک راستەوخۆ لەگەڵ سەرۆکایەتی پەرلەمان و لایەنی پەیوەندیدار قسەکرا بۆ رێگریکردن لەو بڕیارە کە دژی دەستوور و یاسایە، هیچ کەس و لایەنێک بۆی نییە نە ئاهەنگی نەورۆز نە هیچ بۆنەیەکی نەتەوەیی یان ئایینی راگرێت یان چوارچێوەیەکی بۆ دانێت
راشیگەیاند: "هەموو لایەک دڵنیا دەکەمەوە کە ئاهەنگی نەورۆز لە کەرکووک و تەواوی شارەکانی تری عێراق بە ئازادی بەرێوەدەچێت و دەزگا ئەمنییەکانیش ئەرکی پاراستنی ئاهەنگەکان لە ئەستۆ دەگرن، هەروەها لە سەرۆکایەتی پەرلەمان بڕیاردرا لە دووبارە بوونەوەی ئەو هەڵانە رێکاری یاسایی دەگرینەبەر، لێرەشەوە رایدەگەیەنین رێگری کردن لە بۆنە نەتەوەیی و ئاینییەکان لەگەڵ لەناوچوونی رژێمی دکتاتۆری کۆتایی پێهاتووە
وەڵام بدەوه