رۆژی دووشەممە ١٤ـی ئاداری ٢٠٢٢ لە سەلاحەدین سەرۆک مەسعود بارزانی پێشوازی لە مستەفا کازمی سەرۆک وەزیرانی عێراق و شاندێکی یاوەری کرد، کە پێکھاتبوون لە فوئاد حوسێن وەزیری دەرەوە و جومعە عیناد وەزیری بەرگری و عوسمان غانمی وەزیری ناوخۆی حکومەتی فیدراڵ و ژمارەیەک بەرپرسی باڵای ئەمنی سیاسی حکومەتی عێراقی فیدراڵ.
لە دیدارەکەدا کە مەسرور بارزانی سەرۆکی حکومەتی ھەرێمی کوردستان و ڕێبەر ئەحمەد وەزیری ناوخۆی حکومەتی ھەرێم ئامادەیی بوون، سەرۆک وەزیرانی عێراق ھاوخەمی و ھاوسۆزی خۆی بۆ خەڵکی ھەرێمی کوردستان و شاری ھەولێر بە سەرۆک بارزانی گەیاند بۆ ئەو ھێڕشە مووشەکیەی کە کرایە سەر شاری ھەولێر و بە کارێکی تێکدەرانەو دەستدرێژی بۆ سەر تەواوی عێراق وەسف کرد. ھەروەھا سەرۆک وەزیرانی عێراق ئەوەشی ئاشکرا کرد کە لیژنەیەکی تایبەت بۆ دەرخستنی راستییەکانی ئەو رووداوە و رەواندنەوەی چەواشەکاریەکان پێکھێنراوە.
ھەر لەو کۆبوونەوەیەدا ھەردوولا بیروڕایان لەبارەی ھۆکار و دەرھاوێشتەکانی پەلاماری مووشەکی سەر ھەولێر ئاڵوگۆر کرد و جەخت لە ھەماھەنگی و کاری ھاوبەشی ھەردوولا بۆ پاراستنی سەقامگیری ھەرێمی کوردستان و عێراقی فیدراڵ کرایەوە.
پڕۆسەی سیاسی عێراق و تەحەددیات و دەرفەتەکانی ناو پڕۆسەی سیاسی عێراق تەوەرێکی تری ئەو دیدارەبوون.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه