بافڵ چی بە مەلا بەختیار وت؟

مەلا بەختیار باسی گفتۆگویەکی خۆی و بافڵ دەکات زۆر شت باسکران، بزانە بافڵ چی وتوە

مەلا بەختیار، ئەندامی ئەنجوومەنی باڵای سیاسی و بەرژەوەندییەكانی یەکێتیی رایگەیاند: سێ هەفتە لەمەوبەر هەڤاڵ بافڵم بینی، سەعاتێک و 35 دەقە قسەمان کرد، ئەو پێی وایە یەکێتی وەزعی زۆر زۆر باشە، یەکگرتووە لە هەڵبژاردن سەرکەوتنێکی گەورە بەدەست دەهێنێ، وە پێی وایە هەموو دەوڵتان لێی ڕازین، وە سیاسەتەکانی تەواوە، واشی بۆمان باسکرد کە دوو مانگی تر دەچێت بۆ تورکیا ئەو کێشانەش لەگەڵ تورکیا چارەسەر دەکات، وە من بەش بەحاڵی خۆم دڵم بەوە خۆشبوو یەکێتی لەنێو ئەم دەوڵەتانە باشبێت، بەڵام ئەنجامێکی پێچەوانەمان بینی بەداخەوە، ئەو دیدارەمان جگە لە گفتوگۆ بەداخەوە هیچ ئەنجامێکی نەبوو، بۆ ئەوەی من بتوانم بڕیار بدەم وە خەڵکی تریش چاوەڕوانیان دەکرد ئەم گفتوگۆیە بگاتە ئەنجام، ئەنجامی نەبوو، بەتایبەتی لەسەر دەسەڵاتەکانی ئەنجوومەنی باڵا، ئەوان بەتەمان 21 بۆ 31 کەس بخەنە ئەنجوومەنی باڵا، خۆیان کێیان دەوێ بیهێننە ئەنجوومەنی باڵا، بۆیە من وتم پڕۆژەکە بنێرن بۆ ئێمە با ئێمە وەکی ئەنجوومەن هەڵیسەنگێنین ئەوکاتە بڕیارێک بدرێ و رێککەوین لەسەری، پڕۆژەکەشیان نەنارد، ئەندامانی ئەنجوومەنەکە بڕیاربوو بێن بۆ لام، ئەوانیشیان نەنارد، دوو رۆژی تریش کۆنگرەیە.