شێروان تالیب : تەنیا حیزبی کوردستانی کە لە ئارامیدا گەشە ئەکا و لە سەقامگیریدا بەرھەمدارتر ئەبێ ، پارتی ە

تەنیا حیزبیش کە ئەتوانێ ئیش لە پارتی تێکبدا ، پارتی خۆیەتی ، کەسی تر ئەو توانایەی نیە ! 
پارتی ھیچ کێشەیەکی نیە ، خۆی کێشە بۆ خۆی دروست ئەکا و جا چونکە مونافیسی وەک خۆیی نیە ، ئیتر مونافیسی بچووک لەخۆی گەورە ئەکا ! 
گەورەترین کێشەی پارتی ئەوەیە کە گەورەیە ، بەڵام خۆی بە شتی بچووکەوە مەشغوڵ ئەکا ! 
پارتی چونکە لەبەر ھەتاو سەری سپی نەکردووە ، سەر لە ھەموو شتێک دەرئەکا ، بەس نازانم بۆچی ھەندێکجار ، وەک ئەو برادەرەی ناو نوکتەی فیلمی قەناس بەدەستەکەی لێ دێت و لێھاتووە ...
دوو برادەر ئەچنە سینەما بۆ سەیری فیلمێک کە باس لە پاڵەوانێکی قەناسەبەدەست ئەکا . کە فیلمەکە ئەگاتە سەر ئەو لەقتەیەی کە تیایدا پاڵەوانەکە نیشانەی لە کەللەسەری بەرامبەرەکەی گرتووە ، برادەری یەکەم بە ھی دووەم ئەڵێ : وەرە با گرەو بکەین ، من ئەڵێم لێی نادا ، تۆ ئەڵێی چی ؟ 
برادەری دووەم ئەڵێ : من ئەڵێم لێی ئەدا ! 
تەبعەن لە نەتیجە لێی نادا . 
برادەری یەکەم بە ھی دووەم ئەڵێ : من ئەمزانی لێی نادا ، چونکە پێشتر جارێک ئەو فیلمەم بینیووە !
برادەری دووەمیش ئەڵێ : من نەک جارێک ، سێ چوار جارم بینیووە ،  بەس وتم ئەمجارە لێی ئەدا .