گشت چارەسەرێک لە سەرەتادا بە ئازارە

دونیای پێشکەوتن و گەشەی ئابوری بەوە دەناسرێتەوە لە ناخیدا هەڵگری کۆمەڵێک رەگەزو تایبەتمەندی ریفۆرم و فۆرمی جیاوازە

چاکسازی وەک پرۆژەیەکی ئاراستەکراوو دیراسەکراوی ئیداری و ئابوری و بەرێوەبردنی دەسەڵات و حوکمرانی لە دونیای پێشکەوتوودا ڕاستیەکی حاشاهەڵنەگرو حەتمیە

هەموو پرۆژەیەکی ریفۆرم لە سەرەتادا رووبەرووی تەنگوچەڵەمەو ئاستەنگی جۆراوجۆرو پرتەوبۆڵەی ئەموو ئەو دەبێتەوە

گومانی تێدانیە ریفۆرمە ئابوری و دارایی و ئیداریەکان هەمیشە لە سەرەتادا لە لایەن کۆمەڵە کەسانێکی بەرژەوەندخوازو هەلپەرەستەوە رووبەرووی کۆسپ و بەربەست دەبنەوە و هەموو هەوڵێکی شاراوە بە ئاراستەی پەکخستنیان دەخرێتە گەڕەوە

لێ حەقیقەتێک هەیە دەبێ بیزانین
هەموو هەنگاوەکانی چاکسازی لە دەسپێکدا سەخت و نامۆ دێنە بەرچاوو خەڵکسنێکیش بۆ سەرنەگرتنیان ئەوپەڕی هەوڵیبخۆیان دەخەنەگەڕەوە

ریفۆرم و پرۆژە چاکسازیەکان لەم سەردەمەدا بەردی بناغەی راست کردنەوەی چەوتیە ئیداری و داراییەکان و بەهێزکردنی بناغەی دەوڵەتداری و حوکمرانی پێشکەوتوون

چاکسازیەکان بۆ گەلێکی بەشمەینەت و بێ مافی وەکی کوردی باشور بە گشتی و حکومەتی هەرێمی کوردستانیش بە تایبەتی لەم دۆخەی ئێستا هەرێم پێیدا تێپەر دەبێ، زەروورو حەتمین و ئەشێ بۆ دوارۆژی هەرێمی کوردستان بە خێر بگەڕێنەوە و هەرێم لە رووی ئیداری و دارایی و ئابوریەوە بەهێزتر دەرکەوێ و بە ئاسانی بەسەر قەیران و کێشەئابوریەکاندا سەرکەوێ