دكتۆر شاخهوان عهبدوڵا داوا لهحكومهتی ئیتحادی و ئهنجومهنی نوێنهران دهكات پاڵپشتی دامهزراندنی دهوڵهتی هاوڵاتی و چهسپاندنی مافی سهرجهم پێكهاتهكان بكهن ...
بهبۆنهی تێپهڕبوونی (43) ساڵ بهسهركۆچی دوایی تێكۆشهری مهزن و گهورهی گهلی كوردستان، فهرماندهی بزوتنهوهی ئازادیخوازی كوردستان مهلا مستهفای بارزانی نهمر، له لۆبی ئهنجومهنی نوێنهران پێشانگهیهكی فۆتۆگرافی سازكرا كهمێژوو وتێكۆشانی ئهوكهسایهتییه نیشتمانییهی بهرجهستهكردبوو، لهبهرێوهچوونی كردنهوهی پێشانگهكهدا ههردوو بهڕێزان حاكم ئهلزاملی و دكتۆر شاخهوان عهبدوڵا جێگرانی سهرۆكی ئهنجومهنی نوێنهران و دكتۆره ڤیان سهبری سهرۆكی فراكسیۆنی پارتی دیموكراتی كوردستان و بهبهشداربوونی سهرۆكی فراكسیۆنه كوردوستانی وعێراقییهكان وژمارهیهك لهخانمان و بهڕێزان پهرلهمانتار و بهرپرسه كوردهكان لهبهغدا و كادیرهكانی پارتی دیموكراتی كوردستان و، كهسایهتی سیاسی ورۆشنبیران و كۆمهڵێك راگهیاندكاران و پهیامنێری كهناڵه ئاسمانییهكان ئامادهیبوون.
جێگری سهرۆكی ئهنجومهن لهم بۆنهیهدا وتهیهكی پێشكهكردو ڕایگهیاند: یادی ڕێبازی بارزانی نهمرو مێژووی پرشنگدارو تێكۆشانی لهگهڵ پێشمهرگهو خهباتی چهكداریی دژی رژێمه دیكتاتۆرییهكان دهكهینهوه، دانایی و تێڕوانینی نیشتیمانی و قوربانیدانی لهپێناو دیموكراتی بۆ كوردستان و ئازادی بۆ سهرانسهری عێراق. ههر لهم بۆنهیهدا بهڕێزیان داوای لهحكومهتی ئیتحادی و ئهنجومهنی نوێنهران كرد پاڵپشتی دامهزراندنی دهوڵهتی هاوڵاتی و چهسپاندنی مافی سهرجهم پێكهاتهكانی گهل بكهن بهیاسادانان و یاسای بهركار، بۆ بهدیهێنانی یهكسانی و دادپهروهری و فهراههمكردنی ژیانێكی بهختهوهر بۆ هاووڵاتیان و دابینكردنی خزمهتگوزاری بۆیان
وەڵام بدەوه