قایمقامی شارباژێر راگەیاند، لە ئەنجامی بۆردومانی فڕۆکەی بێفڕۆکەوان کە ئۆتۆمبێلێکی کردووەتە ئامانج، ئاگرێک لە ناوچەکە کەوتووەتەوە.
ئێوارەی ئەمڕۆ هەینی (28ـی تەمموزی 2023)، شاهۆ عوسمان، قایمقامی شارباژێر راگەیاند، فڕۆکەیەکی بێفڕۆکەوان لە سنوورەکەیان ئۆتۆمبێلێکی کردووەتە ئامانج و تائێستا زیانەکان نەزاندراوە.
هەروەها قایمقامی شارباژێر گوتیشی، لە ئەنجامی ئەو بۆردومانە، ئاگرێک لە ناوچەکە کەوتووەتەوە و تیمەکانی تەندروستی و بەرگری شارستانی و هێزە ئەمنییەکان چوونەتە شوێنی رووداوەکە.
بە گوێرەی زانیارییەکان بۆردومانەکە کاتژمێر حەوتی ئێوارەی ئەمڕۆ هەینی بووە لە گوندی رەنگێنەی سنووری ناحیەی چوارتا لە قەزای شارباژێڕی پارێزگای سلێمانی.
وەڵام بدەوه