یاسای نەوت و گاز رەوانەی ئەنجوومەنی شورا کرا، بەمەبەستی گفتوگۆکردن لەبارەی دەستووریبوونی ئەو گۆڕانکاریانەی لە یاساکەدا کراوە.
سەباح سوبحی ئەندامی لیژنەی نەوت و وزە لە پەرلەمانی عێراق راگەیاند، ئەنجوومەنی وەزیرانی عێراق یاسای نەوت و گازی رەوانەی ئەنجوومەنی شورا کردووە بۆ ئەوەی توێژینەوەی لەسەر بکات.
ئاماژەی بەوەشدا، لە ئەنجوومەنی شورا گفتوگۆ لەبارەی دەستووریبوونی ئەو گۆڕانکاریانەی یاسای نەوت و گاز دەکرێت کە لە بڕگە و ماددەکانیدا کراوە.
هەروەها گوتیشی: لە دوای تەواوبوونی یاساکە لە ئەنجوومەنی شورا دەگەڕێتەوە ئەنجوومەنی وەزیران و وەزارەتی نەوت بۆ ئەوەی لە کۆبونەوەی ئەنجوومەنی وەزیران بخرێتە دەنگدانەوە.
وەڵام بدەوه