ئەمڕۆ چاودێرێكی سیاسیی عێراقی ئاشكرای كرد رەوتی سەدر بەم زووانە بە هێزەوە دەگەڕێتەوە ناو پرۆسەی سیاسی.
داود حلفی چاودێری سیاسیی عێراقی، بە میدیاكانی وڵاتەكەی راگەیاندووە كە بەم زووانە رەوتی سەدر دەگەڕێتەوە ناو پرۆسەی سیاسی و گەڕانەوەكەش بە شێوەی راستەوخۆ بە پشتیوانی موقتەدا سەدر ڕێبەری سەدرییەكان دەبێت.
حلفی دەشڵێ سەدرییەكان دوای لێكۆڵینەوەی ورد لە دۆخی سیاسیی ناوخۆیی و هەرێمی و نێودەوڵەتییش، بڕیاری گەڕانەوە بۆ ناو پرۆسەی سیاسی دەدەن.
پێشبینیشی كردووە كە گەڕانەوەی سەدرییەكان كاردانەوەیەكی سیاسیی بەهێزی لەلایەن هێزە سیاسییەكانی تری عێراقەوە دەبێت.
هەروەها بەپێی لێدوانی حلفی، پێدەچێت رەوتی سەدر لەمەودوا لە ڕێگەی دروستكردنی دەستەیەك یان مەكتەبێكی سیاسییەوە ڕێبەرایەتی رەوتی سەدر بكات.
وەڵام بدەوه