موحسین مەندەلاوی، جێگری یەكەمی سەرۆكی ئەنجوومەنی نوێنەران، ڕایگەیاند: هیچ كێشەیەك نییە كە ڕێگری لە پەسەندكردنی یاسای بودجەی گشتی بكات.
ئاماژەی بەوەشكرد، هەموو لایەنە سیاسییەكان هاوڕان لەسەر پەسەندكردنی ئەم یاسایە و بەپێی ئەوەی لەسەری ڕێككەوتوون، ئەنجومەنی نوێنەران لە دانیشتنی ڕۆژی دووشەممەدا دەنگ لەسەر یاسای بودجە دەدات.
دوێنێ شەممە، مەندەلاوی كۆبوونەوەیەكی لەگەڵ سەرۆك و ئەندامانی لیژنەی دارایی پەرلەمان بۆ تەواوكردنی گفتوگۆی مادەكانی ڕەشنووسی یاسای بودجەی فیدراڵی بۆ ساڵانی دارایی (2023، 2024، 2025) ئەنجامدا.
لەوبارەیەوە جێگری یەكەمی سەرۆكی پەرلەمان لە بەیاننامەیەكدا،رایگەیاند: لیژنەی دارایی پەرلەمان هەوڵی ناوازە دەدات بۆ بەرهەمهێنان و پێگەیشتنی بڕگەكانی پڕۆژەیاسای بودجە بە شێوەیەكی وریا، بەو پێیەی بۆ سێ ساڵی داراییە و ئەندامانی لیژنەكە دەنگدانیان لەسەر زۆربەی مادەكانی یاساكە تەواو كردووە.
وەڵام بدەوه