وەزارەتی بازرگانی عێراق رای دەگەیەنێت، مانگی داهاتوو برنجی سپی دەنكدرێژ بۆ دابەشکردن وەکوو یەکێک لە ماددە خۆراکیەکان دابینکراوە، لەبارەی برنجەکەوە دەڵێت “كوالێتی برنجەكە لە هەرە برنجە باشەكانی جیهانە”.
وەزارەتی بازرگانی عێراق رای گەیاندووە، 40 هەزار و 200 تۆن برنجی جۆری تایلەندی گەیشتووە و بۆ سەبەتەی خۆراك دابین دەكرێت، ئێستا تیمێكی پشكنەری تاقیگەیی لە بەشی كۆنترۆڵی كوالێتی نموونەی برنجەكەیان وەرگرتووە بەمەبەستی ئەنجامدانی پشكنینی پێشوەختە و دواتر نموونەكان بۆ تاقیگەی بەشی كۆنتڕۆڵی كوالێتی ناوەندیی ره‌وانه ده‌كرێن.
ئاماژه‌ی به‌وه‌ش كردووه، ئێستا پلانی دابەشكردن دادەنێن و بەپێی پێویستی بۆ هەر شار و شارۆچكەیەك دابەشی دەكەن، دابەشكردنەكەشی لە چوارچێوی سەبەتەی خۆراك دەبێت.
وەزارەتی بازرگانی عێراق جەختی لەوەش كردووەتەوە، كوالێتی برنجەكە یەكێكە لە باشترین جۆره‌كانی برنجی ده‌نكدرێژ و بۆ بەشە خۆراكی مانگی ئادار دابەش ده‌كرێت.
وەڵام بدەوه