دوای ئەوەی ئەمشەو بنكەی سەربازی "زێلكان"، كە سوپای توركیا تیایدا جێگیرە بە چوار مووشەك بۆردمان كرا، گرووپێكی چەكداری بەناوی "لیوای ئەحراری عێراق"، بەرپرسیاریەتی ئەنجامدانی هێرشەكەی راگەیاند.
ئەمشەو بەڕێوەبەری شارەدێی زێلكان رای گەیاند كە بنكەی سەربازی زێلكان لە باكوری پارێزگەی نەینەوا كەوتووەتە بەر هێرشێكی مووشەكی، كاتێك بە چوار مووشەكی سەرچاوە نادیار بۆردمان كرا، تا ئێستەش لێكۆڵینەوە لەبارەی هێرشەكە و شوێنی هەڵدانی مووشەكەكان بەردەوامە.
هەر ئەمشەو گرووپێك بەناوی " لیوای ئەحراری عێراق" لە بەیاننامەیەكدا بەرپرسیاریەتی كردنەئامانجی ئەو بنكە سەربازییەی توركیای لە سنووری پارێزگای نەینەوا راگەیاند.
بەپێی بەیاننامەكە سەربازگەكەی توركیایان سەعات نۆی ئەمشەو بە چوار مووشەكی جۆری "گراد 122 ملم" كردووەتە ئامانج.
شایەنی باسە بنكەی سەربازی زێلكان بە بەردەوام دەكرێتە ئامانج و توركیاش پەكەكە بە ئەنجامدانی هێرشەكان تۆمەتبار دەكات.
وەڵام بدەوه