عەلی زەیدی بڕیاری دا

عەلی زەیدی، سەرۆک وەزیرانی عێراق، بڕیاریدا بە ئامادەبوونی بریکاری ئەو وەزارەتانەی تا ئێستا وەزیرەکانیان بۆ دیاری نەکراوە لە کۆبوونەوەکانی ئەنجومەنی وەزیراندا، هەروەها دەسەڵاتی بەڕێوەبردنی کاروباری وەزارەتەکانی پێ بەخشین تا ئەو کاتەی پرۆسەی دیاریکردنی وەزیرەکان تەواو دەبێت.
بەپێی ڕاگەیەندراوێکی نووسینگەی سەرۆک وەزیرانی عێراق، زەیدی دەسەڵاتی بەڕێوەبردنی کاروباری وەزارەتەکانی داوە بە بریکارەکانی هەریەک لە وەزارەتەکانی (بەرگری، ناوخۆ، پلاندانان، ئاوەدانکردنەوە و نیشتەجێکردن و شارەوانییە گشتییەکان، خوێندنی باڵا و توێژینەوەی زانستی، ڕۆشنبیری، کار و کاروباری کۆمەڵایەتی، کۆچ و کۆچبەران، و وەرزش و لاوان)، ئەمەش بەدەر لەو دەسەڵاتە قۆرخکراوانەی کە دەدرێن بەو وەزیرانەی بە وەکالەت وەزارەتەکان بەڕێوەدەبەن.