مالکی لەسەر گەندەڵی هاتە دەنگ

سەرۆکی هاوپەیمانیی دەوڵەتی یاسا هۆشداری لەبارەی گەندەڵی لە عێراق دەدات و جەخت لە بەردەوامیی هەڵمەتی دەستگیرکردنی تێوەگلاوان لەژێر چاودێریی دەسەڵاتی دادوەریدا دەکاتەوە.نوری مالیکی، سەرۆکی هاوپەیمانیی دەوڵەتی یاسا لە دیدارێکی تەلەڤزیۆنیدا ڕایگەیاند، لە حکومەتی پێشوودا دیاردەی گەندەڵی گەشتە ئاستی تاڵانکردنی سامانی نیشتمانی.
مالیکی جەخت لە هەبوونی گەندەڵی لە کەرتەکانی کارەبا و بەندەرەکان دەکاتەوە، هەروەها باس لە دۆزینەوەی تێنووسێکی کۆنی بانکی بازرگانی دەکات، تێیدا سەدان ملیۆن دۆلار بە بێسەروبەری بۆ بازرگانان تۆمار کرابوون. نووری مالیکی، بەرەنگاربوونەوەی گەندەڵی بە ئەرکێکی ئەخلاقی و نیشتمانی بۆ پاراستنی مافی هەژاران دەزانێت، هەروەها داوا دەکات هەڵمەتەکانی ئێستا بەپێی ڕێسا و سیاسەتی دروست بێ هیچ پاشەکشەیەک بەردەوامییان هەبێت.
 مالیکی ڕایدەگەیێنێت، هیچ پارێزبەندییەک بۆ تۆمەتباران نییە و بڕیاری دەستگیرکردنەکانیش تەنیا لە دەسەڵاتی دادوەریدا دەبێت، چونکە متمانەی تەواویان بە دادگا بۆ یەکلاکردنەوەی تەواوی دۆسیە داراییەکان هەیە.