دەستەی دەسپاکی هاتە دەنگ

دەستەی دەستپاکی عێراق: لە هەڵمەتەکەی ئەمڕۆدا دەستکەوتی گەورەمان هەبوە.
دەستەی دەستپاکی فیدراڵی عێراق لە بەیاننامەیەکدا ئاماژەی بەوە کردووە کە، هەڵمەتی دەستگیرکردنی تۆمەتبارانی گەندەڵی بەرھەمی یەکخستنی ھەوڵە ھاوبەش و تەواوکارییەکانی نێوان ھەرسێ دەسەڵاتی دادوەری، جێبەجێکردن و یاسادانانە لەگەڵ ھەوڵەکانی دەستەکە، کە ڕاستەوخۆ بووەتە ھۆی جێبەجێکردنی ئەو فەرمانانە، ئەوەش دەرەنجامی بەدواداچوون و وردبینی و چاودێریی بەردەوامی لایەنە پەیوەندیدارەکانە.
دەستەی دەستپاکی جەختیکردەوە کە سەرجەم ڕێکارەکانی بەوردی و لەچوارچێوەی یاسادا ئەنجامدەدرێن و ھێز و بڕشتی خۆی لە پشتیوانیی جەماوەریی و سەروەریی یاسا و ھاوکاریی بێسنووری سەرۆکی ئەنجومەنی باڵای دادوەری، سەرۆک وەزیران و سەرۆکی پەرلەمان وەردەگرێت، ھاوکات نوێکردنەوەی پابەندبوونی خۆی بۆ خستنەڕووی وردەکاریی کار و ڕێکارەکانی بۆ ڕای گشتی بە شەفافییەت و بەپێی یاسا و ڕێنماییە کارپێکراوەکان دووپاتکردەوە.