ئەنجوومەنی وەزیرانی عێراق، ئەمڕۆ سێشەم 19ى ئاب ڕەزامەندیی سەرەتایی لەسەر دابینکردنی مووچەی مانگی حوزەیرانی فەرمانبەرانی هەرێمی کوردستان نیشاندا، بەڵام بڕیارەکەی بە جێبەجێکردنی سێ مەرج بەستەوە کە پێویستە لە ماوەی هەفتەیەکدا ئەنجام بدرێن.
بەپێی ڕاگەیەنراوی کۆبوونەوەکەی ئەنجوومەنی وەزیرانی عێراق، ڕەزامەندی دراوە لەسەر نوێکردنەوەی کارکردن بە بڕیاری ژمارە (550)ی ساڵی 2025 بۆ دابینکردنی مووچەی هەرێم، بەم مەرجانەی خوارەوە:
1. ئەو لیژنانەی لە بڕیارەکەدا ئاماژەیان پێکراوە، دەبێت لە ماوەی هەفتەیەکدا کارەکانیان تەواو بکەن و کۆنووسی واژۆکراو پێشکەش بکەن.
2. تیمێکی تایبەت لە ماوەی هەفتەیەکدا پشکی خەزێنەی گشتیی فیدراڵی لە داهاتە نانەوتییەکانی هەرێم هەژمار بکات و حكوومەتی هەرێم ئەو بڕە پارەیە بداتەوە.
3. حكوومەتی هەرێم کۆمپانیا نەوتییەکانی ناو هەرێم پابەند بکات بە ڕادەستکردنی نەوتی بەرهەمهێنراو بەپێی یاسای بودجە و بڕیارەکەی ئەنجوومەنی وەزیران.
وەڵام بدەوه