لایەنەگرانی ڕەوتی سەدر بانگەشەی خۆپێشاندان لەدژی نادادپەروەری و ستەمکاری لە عێراق دەکەن و دەڵێن، سبەی چوارشەممە لەدژی گەندەڵی دەوەستینەوە.
لە ڕاگەیەنراوێک لایەنگرانی ڕەوتی سەدر ڕایانگەیاند: لە کاتێکدا دایکانی شەهید خەمبارن بۆ ڕۆڵەکانیان، دەبینین چوارچێوەی کوشتن و گەندەڵی دەیەوێت دانیشتنی پەرلەمان ئەنجام بدات و لە ڕێگەیەوە عێراق بەرەو تاریکی ببات.
ڕاشیگەیاند:هەموومان بەرپرسیارییەتی مێژوویی لەبەردەم خۆمان و نەوەکانمان هەیە بۆ ڕزگارکردنی ئەم نیشتمانە لە هەژموونی ئەم باندە ناڕەوایە.
لە ڕاگەیەنراوەکە ئاماژە بەوەش دراوە کە بڕیارمان داوە کاتژمێر 11:00ـی بەیانی، سبەی چوارشەممە 28ـی 09ـی 2022 لە گۆڕەپانی تەحریر لەدژی گەندەڵی بوەستین، پاشان هەنگاوی دواتر ڕادەگەیەنرێت.
وەڵام بدەوه