دکتۆر شاخەوان عەبدوڵلا هەواڵە خۆشەکە راگەیاندرا

د.شاخەوان عەبدوڵا رای گەیاند، لەمساڵەوە لە تەواوی زانكۆكانی عێراق دەبێت 10%ی كچ و كوڕی شەهیدانی پێشمەرگە و ئاسایش وەربگرن. 

ئەمڕۆ چوارشەم 23ی تەمووز، د.شاخەوان عەبدوڵا جێگری سەرۆكی پەرلەمانی عێراق رای گەیاند، بەڵێنەكانمان بەرانبەر خانەوادەی سەربەرزی شەهیدانی هەرێم بەجێ گەیاند و لە پێناو زامنكردنی مافی كەسوكاری شەهیدانی پێشمەرگە و ئاسایش و دەزگا ئەمنییەكانی تر لە چوارچێوەی هەمواری یاسای شەهیدان كە لەپەرلەمان دەنگی لەسەر دراو، بەڵام لە جێبەجێ كردنی كێشەی هەبوو.

" ئەمڕۆ سەردانی دامەزراوەی شەهیدانمان كرد و لەكۆبونەوەیەكدا  لەگەڵ سەرۆك و جێگری سەرۆك و بەرپرسانی  ئەو فەرمانگەیە  بڕیاردرا بۆ ئەمساڵی خوێندن كاری پێبكریت و بڕیادرا پەنجەرەی چوارەم بكرێتەوە و 10٪ بۆ كچان و كوڕانی  شەهیدانی پێشمەرگە و ئاسایش  تەرخان بكرێت لەزانكۆكان هەروەك چۆن پێشتر بۆ سوپاو حەشد جێبەجێ دەكرا" د.شاخەوان عەبدوڵا وای نووسیوە. 

هەروەها بڕیاردرا كار بەیاساكە بكرێت بۆ درێژكردنەوەی خزمەتی وەزیفی كەسوكاری شەهیدانی پێشمەرگە و دەزگا تەناهییەكانی تر، هەروەها تەواوی ئیمتیازاتی تر دەیانگرێتەوە، تا دواین لیستی شەهیدان دەگاتە بەغدا ، هەر خێزانێكی شەهید پێویستی بەپشتگیری بێت هاوكاری دەكرێت.