حكوومەتی عێراق، سەركۆنەی هێرشەكەی ئیسرائیلی بۆ سەر ئێران كرد و رایگەیاند ئەوە پێشێلیكارییەكی ئاشكرای پرەنسیپە سەرەكییە یاساییە نێودەوڵەتییەكان و بەڵێننامەی نەتەوە یەكگرتووەتەكانە و ئەوە هەڕەشەیە بۆ سەر سەقامگیری و ئاساییشی جیهان، بە تایبەت كە ئەو هێرشە لە كاتێكدایە دانوستانی ئەمریكا و ئێران بەڕێوە دەچێ.
دەشڵێ: لەسەر كۆمەڵگەی نێودەوڵەتی پێویستە، كە بێدەنگ نەبێ و هەڵوێستی لەسەر ئەو پێشێلكارییەی یاسای نێودەوڵەتی هەبێ، كە بانگەشەیە بۆ ئەوەی لۆژیكی هێز خۆی بسەپێنێ و ئەوەش هەڕەشە لەسەر پەیوەندییە نێودەوڵەتییەكان دروست دەكات.
حكوومەتی عێراق دەڵێ: تەنیا بەیاننامە و ڕاگەیاندراو بەس نییە، بەڵكوو دەبێ كۆمەڵگەی نێودەوڵەتی هەنگاوی كردەیی لەو رووەوە بنێ.
حكوومەتی عێراقیش داوای لە ئەنجوومەنی ئاساییش كرد كە كۆبوونەوەیەكی بەپەلە بكا و بڕیار و ڕێوشوێنی پێویست و یەكلاكەرەوە و بەڵگەدار بگرێتە بەر بۆ ڕاگرتنی ئەو دوژمنكارییە و گرەنتیی دووبارەنەبوونەوەی بدرێ و یاسای نێودەوڵەتی شكۆی بۆ بگەڕێندرێتەوە.
وەڵام بدەوه