باڵیۆزخانه‌ی ئه‌مریكا له به‌غدا ئه‌مڕۆ دوشه‌ممه گه‌یشتنی گه‌وره‌ترین ئه‌ركی بازرگانی ئه‌مریكا بۆ عێراق ڕاگه‌یاند كه له 101 كه‌س له‌خۆده‌گرێت و نوێنه‌ری 60 كۆمپانیان له سه‌رانسه‌ری كه‌رته جیاوازه‌كان.
باڵیۆزخانه‌ی ئه‌مریكا له به‌غدا له راگه‌یه‌ندراوێكدا بڵاویكرده‌وه، ژوری بازرگانی ئه‌مریكی به سه‌رۆكایه‌تی ستیڤ لوتس سه‌ركردایه‌تی شاندێكی 101 كه‌سی ده‌كات كه له نزیكه‌ی 60 كۆمپانیای ئه‌مریكی له كه‌رتی وزه و ته‌كنه‌لۆیا و چاودێری ته‌ندروستی پێكهاتون.
ئاماژه‌ی به‌وه‌شكرد، "ئه‌مه یه‌كه‌م ئه‌ركی بازرگانییه كه له‌لایه‌ن وه‌زاره‌تی بازرگانی ئه‌مریكاوه په‌سه‌ندكراوه بۆ عێراق و گه‌وره‌ترین ئه‌ركی بازرگانی ئه‌مریكایه بۆ عێراق له مێژودا".
دوپاتیكرده‌وه، "له میانی سه‌ردانه‌كه‌دا كه له 7 تا 9ی (نیسان/4) ده‌بێت، ئه‌ندامانی شانده‌كه له‌گه‌ڵ به‌رپرسانی باڵای عێراق كۆده‌بنه‌وه و په‌یوه‌ندی له‌گه‌ڵ كۆمپانیا عێراقییه‌كان ده‌كه‌ن و كۆمه‌ڵێك ڕێككه‌وتنیش واژۆ ده‌كه‌ن
ئه‌وه‌شیخستۆته‌ڕو، "ژوری بازرگانی ئه‌مریكا سه‌كۆیه‌ك بۆ دروستكردن و جێبه‌جێكردنی بیرۆكه‌ی نوێ دابین ده‌كات به ئامانجی دامه‌زراندنی هاوبه‌شی و سیاسه‌تی بازرگانی كه كاریگه‌ری له‌سه‌ر بیركردنه‌وه‌ی حكومه‌ت و سه‌ركرده بازرگانییه‌كانی هه‌ردو وڵات هه‌یه، زیاتر له 10 ساڵیشه ژوره‌كه به به‌رده‌وامی سه‌ردانی عێراق ده‌كات و میوانداری شانده‌كانی حكومه‌تی عێراق ده‌كات له ئه‌مریكا، له‌م سه‌ردانه‌شدا ژوری بازرگانی ئه‌مریكا یاداشتێكی لێكتێگه‌یشتن له‌گه‌ڵ فیدراسیۆنی ژوره بازرگانییه‌كانی عێراق واژۆ ده‌كات بۆ به‌هێزكردنی په‌یوه‌ندییه‌كانی نێوان كه‌رتی تایبه‌تی ئه‌مریكی و عێراق"
باڵیۆزخانه‌ی ئه‌مریكا باسی له‌وه‌شكردوه، "ژوری بازرگانی ئه‌مریكا و فیدراسیۆنی ژوره بازرگانییه‌كانی عێراق یاداشتێكی سه‌ره‌كیی لێكتێگه‌یشتنیان واژۆ كردوه بۆ پته‌وكردنی په‌یوه‌ندییه‌كانی نێوان كه‌رتی تایبه‌تی ئه‌مریكی و عێراق، ئه‌م هاوبه‌شییه ده‌بێته هۆی به‌رزكردنه‌وه‌ی هاوكارییه ئابورییه درێژخایه‌نه‌كانی نێوان هه‌ردولا".
گه‌وره‌ترین تیمی ئه‌مریكا گه‌یشته به‌غدا
1رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه