ئەمڕۆ سێشەم ئەنجوومەنی نوێنەرانی عێراق كۆ دەبێتەوە و بەگوێرەی كارنامەی دانیشتنەكە، دەنگ بۆ پڕۆژەیاسای بە پارێزگاكردنی هەڵەبجە دەدرێت.
شەوی رابردوو پەرلەمانی عێراق بە ئامادەبوونی 170 ئەندامی، پێنجەم دانیشتنی ئەم وەرز و خولەی ساز كرد.
فەرمانگەی راگەیاندنی ئەنجوومەنی نوێنەرانی عێراق، كارنامەی دانیشتنەكەی بڵاو كردووەتەوە، لە دانیشتنەكەی ئەمڕۆدا دەنگدان و خوێندنەوە بۆ شەش پڕۆژەیاسا ئەنجام دەدرێت.
یەكەم بڕگەی دانیشتنەكە، تەرخان كراوە بۆ دەنگدان بە پڕۆژەیاسای بەپارێزگاكردنی هەڵەبجە.
پێشتریش شاخەوان عەبدوڵا جێگری سەرۆكی ئەنجوومەنی نوێنەرانی عێراق، لە كۆنفرانسێكی رۆژنامەوانیدا گوتی، "داوایان لەلایەنە سیاسییەكان كردووە، لە دانیشتنەكەی رۆژی سێشەمدا، پڕۆژەیاسای بە پارێزگابوونی هەڵەبجە تێپەڕێنرێت".
پڕۆژەیاساكە پێشتر خوێندنەوەی بۆ كراوە تەنیا دەنگدان لەسەری ماوە و ئەگەر ئەمڕۆ تێپەڕێت، هەڵەبجە بەفەرمی لە ئاستی عێراقدا دەبێـتە پارێزگا و بەو هۆیەشەوە ئەگەری بووژاندنەوەی شارەكە زیاترە.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه