وه‌زاره‌تی ده‌ره‌وه‌ی عێراق له‌سه‌ر ته‌قه‌كردن له كونسوڵخانه‌ی عێراق له شاری ئیستانبوڵی توركیا به‌یاننامه‌یه‌كی بڵاو كرده‌وه.
له به‌یاننامه‌كه‌دا هاتووه، كاتژمێر 9ی شه‌وی هه‌ینی 21ی ئاداری 2025، له‌سه‌ر ماتۆڕسكیله‌وه چه‌ند كه‌سێكی نه‌ناسراو، ته‌قه‌یان به چه‌كی جۆری كڵاشینكۆف له باڵاخانه‌ی كونسوڵخانه‌ی عێراق له ئیستانبوڵ كرد و هه‌شت فیشه‌كیان به باڵاخانه‌كه‌وه ناوه و بۆ شوێنی نادیار ڕۆشتوون.
ئه‌وه‌ش خراوه‌ته ڕوو، له دوای ڕووداوه‌كه به‌په‌له كونسوڵی گشتیی عێراق و نوێنه‌رانی كونسوڵخانه‌كه چوونه شوێنی ڕووداوه‌كه، بۆ زانینیی ورده‌كاری رووداوه‌كه، ده‌سه‌ڵاتدارانی توركیا شه‌قامی به‌رده‌م كونسوڵخانه‌كه‌یان داخست و ده‌ستیان به لیكۆڵینه‌وه كرد ئه‌وه‌ش به ئاماده‌بوونی نێرده‌ی دیپلۆماسی عێراق.
له كۆتاییدا وه‌زاره‌تی ده‌ره‌وه‌ی عێراق، داوای له ده‌سه‌ڵاتدارانی توركیا كردووه به‌په‌له لێكۆڵینه‌وه‌ی ورد له رووداوه‌كه بكه‌ن و ده‌ستدرێژیكاران ڕووبه‌ڕووی یاسا بكه‌نه‌وه.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه