به‌مه‌به‌ستى تاوتوێكردنى په‌یامه‌كانى ئه‌مریكا كه له ڕێگه‌ى وه‌زیری ده‌ره‌وه‌ی ئه‌مەریكا به ته‌له‌فۆن به و سه‌رۆك وه‌زیرانی عێراق گه‌یندران، هاوپه‌یمانێتى چوارچێوه‌ى هه‌ماهه‌نگی كۆبوونه‌وه‌یه‌كی به‌په‌له ئه‌نجام ده‌ده‌ن..
عوده‌ی خه‌دران، سه‌ركرده له چوارچێوه‌ی هه‌ماهه‌نگی، لــە لێدوانێکی ڕۆژنامەوانیدا، ڕایگەیاند "له دوو ڕۆژی داهاتوودا چوارچێوه‌ی هه‌ماهه‌نگی كۆبوونه‌وه‌یه‌كی به‌په‌له لەبارەی په‌یوه‌ندییه ته‌له‌فۆنییه‌كه‌ی مارکۆ ڕۆبیۆ، وه‌زیری ده‌ره‌وه‌ی ئه‌مەریكا و محەممەد شیاع سوودانی، سه‌رۆك وه‌زیرانی عێراق دەکات."
ئه‌و سه‌ركرده‌یه جەختیشی لەوە کردەوە "حكوومه‌تی عێراق له سه‌ره‌تای كێشه‌كانی ناوچه‌كه‌وه خۆی له كێشه و ململانێكان به‌دوور گرتووه، كۆبوونه‌وه‌كه‌ی چوارچێوه‌ی هه‌ماهه‌نگیش تایبه‌ت جه‌ختكردنه‌وه‌یه له‌وه‌ی عێراق نه‌چێته ناو هیچ ململانێیه‌كی نوێوه."
بە گوتەی عوده‌ى خدران، ئامانج لە کۆبوونەوەکە "دوورخستنەوە عێراقە له سزا و بڕیاره‌كانی ئه‌مەریكا كه كاریگه‌ریی نه‌رێنی به‌سه‌ر دۆخی ناوخۆی وڵاته‌وه ده‌بێت."
ڕۆژی سێشەممە، 25-02-2025، مارکۆ ڕوبیۆ، وەزیری دەرەوەی ئەمەریکا و محەممەد شیاع سوودانی، سەرۆک وەزیرانی عێراق لە پەیوەندییەکی تەلەفۆنیدا، دۆخی سووریا و ناوچەکە، گرووپە چەکدارەکان، هەناردەکردنەوەی نەوتی کوردستان و ژمارەیەک پرسی دیکەیان، تاوتوێ کرد.
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه