حکومەتی هەرێمی کوردستان بەردەوامە لە فراوانکردنی ژێرخانی ئابووری لەڕێگەی بە دیجیتاڵکردن و سیستمی پەیڕۆڵ بۆ ئامادەکردنی لیستی مووچە، بەهۆیەوە سەرنجی وەزیری دارایی عێراق ڕادەکێشیت.
بۆ یەکەمجار لە هەرێمی کوردستان لیستی مووچەی سەربازی و مەدەنی بۆ مانگی دوو بە سیستمی پەیرۆڵ ئامادە دەکرێت و ڕەوانەی بەغدا دەکرێت، هاوکات حکومەتی عێراق دەیەوێت سوود لەو سیستمەی هەرێمی کوردستان وەربگرێت.
هیوا ئەفەندی، بەرپرسی فەرمانگەی تەکنەلۆجیای زانیاری ڕاگەیاند: وەزیری دارایی عێراق داوای کردووە کە سیستمی پەیرۆڵی حکومەتی هەرێمی کوردستان کە لیستی مووچەی پێ ئامادە دەکرێت، لە سەرانسەری عێراق کاری پێ بکرێت.
ئەوەی پێویستە بیزانیت: سیستمی پەیرۆڵ لەلایەن فەرمانگەی تەکنەلۆجیای زانیاریی حکومەتی هەرێمی کوردستانەوە کاری لەسەر دەکرێت و سیستمێکی پێشکەوتووی ئەلیکترۆنییە.
زانیاریی زیاتر: زیاتر لە شەش هەزار کەس لەسەر سیستمی پەیڕۆڵ کار دەکات، سیستمەکە نزیکەی هەزار و 188 بنکەی کار کردنی هەیە.
- هەموو داواکارییەکانی بەغدا بۆ ناردنی مووچە لە سیستمەکە جێبەجێکراون.
-شەش سەد و 81 هەزار کەس لە سیستمی پەیرۆڵ تۆمار کراوە.
- شەش سەد و 57 هەزار و 780 کەس لە لیستی مووچەی مانگی دوو تۆمار کراون.
وەڵام بدەوه