ئەمڕۆ كاری تیمە تەكنیكییەكەی دارایی عێراق لە هەولێر كۆتایی دێت و دەگەڕێنەوە بەغدا، هەر ئەمڕۆش شاندە باڵاكەی هەرێم دەچنە بەغدا و بڕیارە سبەینێ كۆبوونەوەیەكی گرنگ لەگەڵ بەرپرسانی عێراق ئەنجام بدەن.
ئەمڕۆ پێنجشەم 30ـی كانوونی دووەم، بەپێی زانیارییەكان كارە تەكنیكییەكانی لیژنەی هەولێر و بەغدا كۆتایی هاتووە.
ئەوەش زانراوە، كارە تەكنیكییەكەی دارایی عێراق لە هەولێر كۆتایی دێت و دەڕۆنەوە بەغدا و چوار راپۆرت دەدەنە وەزارەتی دارایی فیدراڵ.
بەپێی زانیارییەكان، راپۆرتەكانی تیمە تەكنیكییەكە كە ئامادەیان كردووە، تایبەتن بە مووچەی ئەمساڵ و داهات و خەرجیی مانگی 12ی ساڵی پار كە عێراق نەیناردووە.
لەبارەی كاتی چوونی شاندەكە ئەوە زانراوە، ئێوارەی ئەمڕۆ شاندی هەرێمی كوردستان دەچنە بەغدا و هەر سبەی كۆبوونەوەیەكی گرنگ لە نێوان شاندەكەی هەرێمی كوردستان و بەرپرسانی عێراق لە ماڵی وەزیری دەرەوەی عێراق بەڕێوە دەچێت.
وەڵام بدەوه